【Emily】資深大狀黃佩琪陳政龍 任高院特委法官
[2022.04.30] 發表
【明報專訊】司法機構噚日宣布委任資深大律師黃佩琪同陳政龍，做高等法院原訟庭特委法官，任期2022年5月1日生效，為期3年。
現年49歲嘅黃佩琪同43歲嘅陳政龍，分別喺香港大學同新西蘭奧克蘭大學取得法學士學位，之後兩人各取得法學專業證書，喺香港獲大律師資格，便開始私人執業。兩個大狀之前分別擔任多宗刑事大案嘅主控官同辯護代表，包括曾蔭權案中，黃佩琪擔任主控官之一，陳政龍則係辯護團隊之一。之後兩人又一齊喺2018年升仙，獲委任資深大律師。
黃佩琪又喺2020至22年獲委任高院原訟庭暫委法官，陳政龍則喺2020及21年被委任高院原訟庭暫委法官。無獨有偶，最近喺壹傳媒大樓涉違租約一案，陳政龍代表壹傳媒集團創辦人黎智英，黃佩琪代表集團前行政總監黃偉強，案件下周二(5月3日)再審。
更多港聞
相關新聞
