【Emily】屯門現翻車魚 街坊以為鯊魚
[2022.04.26] 發表
【明報專訊】噚日朝早有市民喺屯門龍門居對開嘅屯門河，發現一條背鰭露出水面嘅大魚喺河中游弋，以為係鯊魚，其後有船家及潛水愛好者認出佢係「翻車魚」(翻車魨，Mola Mola)。呢幕吸引唔少街坊圍觀，由於Mola Mola讀音同廣東話「無喇無喇」相近，有網民稱佢為「股災吉祥物」。翻車魚其後已不見影蹤，唔知係咪已游番出大海。
英文讀音似「無喇無喇」
有人噚日朝早8點幾，見到身長約2.5米、背鰭好長嘅大魚喺屯門河游弋，因佢條背鰭經常露出水面，與鯊魚出沒畫面相似，於是報警。警員到場睇咗一陣，曾懷疑佢係一條江豚，因佢冇受傷，環境冇危險，於是收隊。
有船家及潛水愛好者認出佢係主要於深海生活嘅翻車魚，好少喺本港水域出沒。約30名市民就企喺河邊及天橋觀看，有人出動埋望遠鏡、航拍機。之後有船家用快艇在旁護航，試圖將佢引出大海。
港非棲息處 出現原因難料
世界自然基金會香港分會高級海洋保育經理彭莉恩話，根據相片相信呢條係翻車魚，通常係遠洋帶物種，棲息於攝氏十幾度水溫、深300至400米海域，香港海域水深度較淺、水溫較高，唔係佢哋棲息之處，但因資料唔夠，估唔到佢出現嘅實際原因。本港間中會出現罕見海洋物種，因應氣候而改變嘅洋流(Ocean Current)可能係原因之一。彭莉恩提醒，不論翻車魚或其他鯨海豚類海洋生物，都唔建議市民落水近距離接觸，如動物有健康問題，太近距離會令佢哋產生壓力。
更多港聞
【Emily】九巴16部單層電巴 來往荔枝角尖沙嘴
【明報專訊】香港目標喺2050年前實現碳中和，衣食住行都要出一分力。九巴引入嘅16部新一代純電動單層巴士已經完成測試及發牌程序，噚日正式落地... 詳情
【明報專訊】隨着政府放寬社交距離措施，關閉3個多月嘅博物館上星期重開。康文署噚日（25日）宣布，延長尖沙嘴香港藝術館和沙田香港文化博物館共4...
詳情
【明報專訊】中學文憑試（DSE）開考咗幾日，經歷第五波新冠疫情，考生今年要遵守多項防疫措施，例如朝朝做快速抗原測試，到試場交健康申報表，聲明...
詳情
【明報專訊】青年民建聯（青民）第二年同香港中國企業協會聯手舉辦大專學生實習計劃。根據青民資料，實習喺香港進行，各企業提供超過100個崗位，報...
詳情
相關新聞
