【Emily】上任百日未提政改動議 狄志遠認無交功課
[2022.04.13] 發表
【明報專訊】4月10日係新一屆立法會議員上任100日，自稱非建制派嘅社福界議員狄志遠噚日發表工作報告，記得佢當選前後都話過，上任100日內會提出動議討論重啟政改，結果無咗件事。狄志遠同Emily講，上半年成個社會關注疫情，立法會唔可以提非疫情相關事項，之後亦同朋友傾過，覺得喺特首選舉期間向候選人提出議題，效果可能仲好；相信下半年有機會喺議會提出議案。
作為社福界選委嘅佢，噚日喺網上交流會問已宣布參選特首嘅李家超，任內如何落實「雙普選」，會否重啟政改討論，但李家超會上無個別回應任何議題。
對於會唔會被指「走數」，狄志遠承認自己真係交唔出功課，有市民可能會失望，但強調無放棄，李家超推出政綱後，佢會再追問，而日後新政府上場，佢相信議會有好多機會可以再問，「好難想像(特首)5年任期可以(將普選問題)擺埋一邊」。
更多港聞
未打針學生可上體育 禁校隊練習 蔡若蓮否認標籤效應：健康許可何不接種？
【明報專訊】全港學校下周二（19日）起分階段恢復面授課，完成接種新冠疫苗的小學生將獲准參加「非學術」課外活動。教育局副局長蔡若蓮昨表示，所有... 詳情
【明報專訊】中學文憑試（DSE）下周五（22日）開考。香港中華基督教青年會（下稱青年會）輔導組近日接觸數名情緒受困擾的DSE考生，發現他們都...
詳情
相關新聞
