【Emily】葛珮帆煞停引特權法查童樂居
[2022.04.06] 發表
【明報專訊】立法會今日召開大會，恢復處理議員質詢同議案，葛珮帆(EQ)早前提出引用權力及特權法調查童樂居虐兒事件，佢同Emily講，由於現時安老院舍疫情仍然嚴峻，暫時唔會提出有關動議，但強調唔係放棄調查事件。
指唔想阻政府抗疫
EQ今年1月提出引用權力及特權法，調查保護兒童制度嘅監察，以及社署等部門喺事件中嘅角色等，其後佢話多名議員需時考慮係咪支持，延遲至3月先喺大會提出。不過，EQ同Emily講，𠵱家疫情仍然嚴峻，最重要係安老院舍問題，唔係最好時機動用特權法調查童樂居事件，擔心會令有關官員花大量時間到立法會，唔想阻住政府抗疫。
批羅致光無道歉
EQ批評社署同勞福局長羅致光至今未道歉，無進一步向立法會交代，童樂居早前嘅調查範圍亦只限內部，事後好似「換咗人就算」。EQ認為最好係由政府就事件成立獨立調查委員會，但當局一直未做，佢仲諗緊係咪提出動用特權法。
更多港聞
【Emily】鄭承隆嘆「人未走已茶涼」 劉國勳阿狄感謝林鄭
【明報專訊】特首林鄭月娥前日宣布唔爭取連任，政界唔少人事後都批評林太處事作風，不過亦有人感謝林太，仲喺社交媒體上載同林太嘅合照。監警會前委員... 詳情
【明報專訊】好多人讀書嗰陣都讀過《清明》呢首唐詩，入面提到「清明時節雨紛紛」，不過噚日清明節香港不但冇「雨紛紛」，仲好好陽光𠻹。天文台噚日...
詳情
竹篙灣試場 考評局隔MON監考 確診檢疫DSE生可電熱線安排 當局增聘人手接線
【明報專訊】新冠疫情日增數千陽性個案，今年中學文憑試（DSE）設特別考場，確診或檢疫考生可選擇到竹篙灣特別考場應考，但需經考評局熱線及電郵安... 詳情相關新聞
