【Emily】李璧而宣布參選 話李家超鄧炳強出嚟佢就退

【明報專訊】特首選舉提名期噚日開始，建制組織「珍惜群組」召集人李璧而(圖)喺facebook宣布參選，通過傳媒向選委發信息，叫大家畀機會佢為香港效力。李璧而同Emily講，佢參選係因為見到有能力嘅人未出嚟選，而已宣布參選嘅人，就同佢一樣係冇政府部門經驗。佢認為香港需要撥亂反正，特首人選唔係淨係識講，要有行動，佢話自己正正有執行力，但如果政務司長李家超、警務處長鄧炳強或立法會議員何君堯出嚟選，佢就會退落嚟。

「珍惜群組」喺上屆特首選舉支持林鄭月娥參選，李璧而向Emily承認曾經好撐林太，但愈嚟愈覺得林太唔掂，並聲言「如果佢出嚟選，我一定會頂」。佢話噚日忙於搵選委提名，好多人都冇聯絡方式，搵得好辛苦。李璧而曾投訴判「元朗721」白衣人暴動罪成嘅法官，「華記正能量」楊官華之後同佢割席。

冼國林fb講行山

另外，第一個公開宣布參選來屆特首嘅建制派KOL冼國林喺facebook更新動態講行山。佢話多留意四周景物，會愈發深愛香港老家，如「孔雀給你打招呼」、「遊(游)繩探廢礦令人思古」，盼大家好好愛護「我們的家」。

更多港聞

【Emily】各區派物資 柯創盛巧遇周聰叔 方力申跑梯勝黃梓謙

【明報專訊】觀塘區議會主席、民建聯柯創盛服務觀塘超過30年，佢話有好多演藝界朋友話佢知，資深演員周聰住喺觀塘，問柯仔有冇遇過，柯仔都係答對方... 詳情

【Emily】鄧中華任全國港澳研究會會長

【明報專訊】全國港澳研究會前日發出新聞稿，表示近日舉行第三屆理事會會議改選會領導，通過由剛卸任國務院港澳辦副主任嘅鄧中華（圖），接替徐澤出任... 詳情

【Emily】民主黨徵抗疫物資 轉贈有需要者

【明報專訊】民主黨噚日公布「收集轉贈抗疫物資計劃」，向市民收集過剩或唔適合自用嘅抗疫物資，轉贈畀有需要嘅人。民主黨收集嘅物資包括快速抗原測試... 詳情

【Emily】局長兵分九路派防疫包

【明報專訊】多名局長噚日（3日）落區協助派發「防疫服務包」，其中保安局長鄧炳強（右）、副局長區志光、常秘葉文娟，就聯同紀律部隊和輔助部隊嘅首... 詳情

網上社工隊疫下「執仔」 連登上出帖盼惹共鳴

【明報專訊】新冠疫情當前，一群社工如常「執仔」，游走於他們視為的「第19區」，經營Instagram（IG）、在連登討論區和交友App等接觸... 詳情