【Emily】老婆憂唔見得人 幫郭偉强飛髮
[2022.03.08] 發表
【明報專訊】髮型屋納入表列處所要關閉，至今近一個月。工聯會噚日就政府將推出嘅臨時失業津貼同創新辦見面，之後開記者會，Emily發現該會議員陸頌雄同鄧家彪頭髮都好長，唯獨郭偉强好似啱啱剪完髮。郭偉强話，上次剪髮已經係農曆新年前兩星期，最初想忍到4月，又諗過自己動手，但老婆見佢頭髮太長，擔心老公「唔見得人」，就提出幫佢飛髮。郭偉强上載咗剪髮過程嘅相，佢話一方面要交代吓點解剪到頭髮，亦想表揚吓太太。
麥美娟康復 包裝抗疫物資派市民
至於同創新辦見面嘅情况，工聯會繼續關注無薪假、長期失業、有供強積金嘅小東主可否納入計劃，對於放無薪假嘅打工仔，郭偉强話創新辦表示會再考慮。鄧家彪就關注計劃嘅行政開支，希望盡快公開申請同計劃詳情。另外，早排確診嘅工聯會麥美娟已康復出關，噚日復工做包裝女工，包裝抗疫物資再派送畀市民(圖b)。
更多港聞
【明報專訊】全港學校昨日起陸續提早放「暑假」，網課暫停。「陳校長免費補習天地」創辦人陳葒正籌備網上學習資源平台「戰疫香港自學網」，推出名為「...
詳情
600生到校打針 家長：子變內向冀齊打針早復課
【明報專訊】政府積極推高兒童接種新冠疫苗比率，有小學昨日聯同區內多間學校一同接受外展接種服務。有帶子女打針的家長稱，因疫情嚴峻改變想法，盼讓... 詳情
相關新聞
