【Emily】清潔商聯署登報 求政府、商界支援

[2022.02.26] 發表

【明報專訊】疫情下所有地方都要加強清潔，8間清潔商界組織噚日登報，話好需要政府同商界支援，否則「環境衛生業快要崩潰了！」

Emily睇番聯署聲明，分別由香港環境衛生業界大聯盟、環保工程商會等8個組織發出。佢哋話，各界應該優先向前線清潔人員派發免費快速檢測包，並喺檢測中心設立專用通道，避免清潔工人同其他市民一齊等候。

此外，佢哋話前線清潔工感染情况嚴重，人手短缺，希望政府同商界唔好因為有清潔工返唔到工，就扣清潔承辦商嘅服務費或者罰款，影響承辦商出糧。佢哋又希望商界可以落水，負責清潔工人嘅額外檢測費用。

再出發大聯盟捐物資畀抗疫前線

另外，由兩個前特首董建華同梁振英牽頭嘅香港再出發大聯盟，日前再向抗疫第一線嘅保安、清潔工人同安老院舍員工捐贈14萬個防護面罩、7萬個兒童面罩、7萬件防護衣，前特首梁振英仲視像觀察物資抵港貨倉盤點。新聞稿引述，大半年無公開露面嘅董建華亦贊助加購20萬個成人面罩，支援私營同津貼安老院舍等前線員工。

更多港聞

【明報專訊】立法會近日出現多宗新冠病毒個案，內會噚日開會，內會主席李慧琼話𠵱家抗疫壓倒一切，下月16日立法會大會只會處理有立法效力嘅議案，... 詳情

【明報專訊】新冠病毒疫情嚴峻，有第3個立法會議員中招，西九新動力立法會議員梁文廣前日接受鼻咽拭子採樣檢測，噚日收到檢測結果初步陽性。 ... 詳情

【明報專訊】九龍城民政事務署噚日聯同區內主要地區委員會及機構，為3歲以上急需疫苗保護嘅人接種科興疫苗。是次接種活動涵蓋唔同年齡層，從幼兒園學... 詳情