【Emily】有家屬不滿「一刀切」禁探監
[2022.02.14] 發表
【明報專訊】立法會前議員邵家臻日前同Emily反映，有家屬希望當局唔好「一刀切」，暫停在囚者親友探訪嘅安排，覺得在囚者嘅基本權利無得到保障。
能否加開視像探訪中心
懲教：無其他補充
睇番政府嘅公布，話接連有確診市民去咗唔同懲教院所探訪在囚者，增加Omicron傳入院所大規模爆發嘅風險，所以暫停定罪同還押者嘅親友探訪；上個星期四更宣布，由於疫情仍然非常嚴峻，相關決定會延長至今個月23號，即係連續19日無得探訪。
阿臻又話有家屬反映，部分年紀大嘅長者行動不便，唔可以親身到監獄探訪，加上部分人唔適合接種新冠疫苗，驚出街會中招，更有長者家屬患病長期卧牀，根本無法赴指定嘅視像探訪中心遙距見獄中家人。Emily將相關建議問咗懲教署，包括會唔會喺目前旺角和荔枝角以外，增加視像探訪在囚者嘅安排，甚至考慮畀有需要嘅家屬，個別申請喺屋企視像探訪在囚者，懲教署回覆就話「無其他補充」。
更多港聞
【Emily】質疑外傭中環聚集 議員籲放假留家唞
【明報專訊】呢幾日新冠個案每日逾千，選委會界別立法會議員江玉歡同新民黨李梓敬分別喺facebook上載相片或片段，質疑中環有外傭聚集。江玉歡... 詳情
【明報專訊】連日嚟新冠疫情每日個案過千宗，唔少建制派「逆行」為市民打氣。經民聯主席盧偉國噚日則繼續喺facebook教煮餸，介紹新春意頭菜「...
詳情
中大限宿生不能回家留宿 被批過嚴 退宿者：明白校方需防疫 惟決定倉卒
【明報專訊】新冠疫情嚴峻，多間大學建議學生退宿。中大早前宣布，學生如繼續留宿，須提供「充分有力」理據，且其間只住宿舍，不得回家留宿，安排惹起... 詳情相關新聞
