【Emily】盼引生物棲息 機場西水域敷人工魚礁

機管局正推行先導計劃，舊年喺機場西面水域敷設100座人工魚礁（左圖），希望吸引海洋生物嚟棲息。局方會監察研究，評估第日喺北大嶼山水域新海岸公園敷設人工魚礁嘅可行性；右圖為構想圖。（機管局提供）

【明報專訊】機場三跑道系統2024年建成，工程對環境影響受關注，當局提出喺北大嶼山水域指定一個面積約2400公頃嘅新海岸公園。機管局話，為咗提升嗰個水域嘅海洋生態價值同漁業資源，正推行先導計劃，去年6至7月喺機場西面水域指定位置敷設100座人工魚礁，望吸引海洋生物嚟棲息。機管局做緊為期一年嘅監察研究，評估第日喺新海岸公園敷設人工魚礁可行性。

先導計劃監察一年

評估能否於新海岸公園敷設

人工魚礁用硅灰黏土製成，直徑約52至90厘米，每個重約56至180公斤。人工魚礁表面粗糙並且佈滿大小不一嘅窿，以模擬天然珊瑚礁。團隊喺部分人工魚礁移植咗活蠔苗，希望吸引多啲海洋生物棲息同依附生長。機管局話，人工魚礁嘅設計同擺放位置都仔細諗過，考慮咗水流、海牀環境等因素，減低移位或沉降嘅風險。

設立新海岸公園、敷設人工魚礁等都係想保育機場附近水域生態，不過喺三跑工程開始前，有環保人士已經質疑有關措施係「先破壞後保育」，並擔心填海工程會令部分中華白海豚嘅移動空間大減，憂慮佢哋會絕迹北大嶼山一帶。

更多港聞

【Emily】逾百盆菜盆捐流浪狗場 前區議員陳榮泰謝街坊

【明報專訊】去年被取消資格（DQ）嘅前東區區議員陳榮泰，噚日喺區內擺街站向街坊收集盆菜盆，捐贈畀有需要嘅流浪狗場。陳榮泰同Emily講，雖然... 詳情

【Emily】3D數碼路網將覆蓋郊園行山徑

【明報專訊】三維數碼地圖製作技術日新月異，發展局長黃偉綸噚日發表網誌，搵嚟地政總署助理署長（測繪事務）朱紹基介紹正在開發嘅新產品，其中一項係... 詳情

【Emily】梁美芬派物資 被露宿者互愛精神感動

【明報專訊】選委會界別立法會議員、經民聯梁美芬喺年廿九傍晚，聯同多名專業人士、「凝聚民心」嘅義工，到油麻地一帶包括油麻地梁顯利社區中心嘅臨時... 詳情

【Emily】如同去年 港人代「政協」赴兩會前需深圳檢測

【明報專訊】全國人大代表、政協「兩會」分別將於3月5日和4日喺北京召開，有港區人代同政協委員已收到通知，佢哋要同上年一樣，要先到深圳住一晚，... 詳情