【Emily】強調屬「最後的選擇」 廖成利考慮「出山」做民協主席
[2022.01.18] 發表
【明報專訊】民協署理主席楊彧去年12月辭任，主席一職懸空至今。民協原本計劃於1月舉行會員大會補選主席，但因為想連同執委會改選一同處理，所以會押後主席選舉。民協署理副主席利瀚庭話，相信要等到農曆新年後先可以舉行會員大會，暫時目標係3月或之前完成改選，確實日期仍要待執委會討論。據了解，民協「元老」廖成利(圖)正考慮「重出江湖」做主席，但強調佢係「最後的選擇」。
內部評估已宣誓較安全
鼓勵現任區議員任領導層
據Emily了解，民協內部鼓勵現任區議員擔任主席、副主席同秘書長等重要領導層職位，其中一個原因係佢哋宣誓時已經通過政府當局嘅審查，相信「安全系數」會較高。去年區議員宣誓後，民協現時仍有6名區議員，包括深水埗區議會主席覃德誠，深水埗區議員李庭豐，黃大仙區議員廖成利，屯門區議員周啟廉、黃虹銘和甄紹南。
廖成利接受Emily查詢時話，都有黨友鼓勵佢接任主席，佢正在考慮，但強調自己係「最後的選擇」，希望最好有現任執委願意做主席。
廖成利曾經喺2007年接替因為區議會選舉失利而辭職嘅馮檢基擔任民協主席，直至2016年卸任。去年12月立法會選舉，佢分別為馮檢基同譚香文站台拉票，當時呼籲泛民支持者唔好「躺平」，要投票喺議會保住非建制嘅聲音。
更多港聞
【明報專訊】本報噚日頭版〈有人出獄後被踢出校 校長批如「雙重懲罰」 反修例受刑學生 各界促齊扶一扶〉專題報道，提到2019年反修例運動400...
詳情
【Emily】抗議拆《國殤之柱》 港大校園現文宣
【明報專訊】港大上月拆走豎立校園多年嘅《國殤之柱》，噚日有人喺港大發起行動抗議，晚上約7點半，喺港大百周年校園有人放低多張文宣，當中包括《國... 詳情
【Emily】工務「人事」小組主席 盧偉國葉劉自動當選
【明報專訊】立法會財委會轄下嘅工務小組和人事編制小組，原本喺聽日（周三）開會選舉正副主席，不過因為兩個小組嘅正副主席提名都只有一項，所以獲提... 詳情
【Emily】國泰機組檢疫酒店 房卡「有入冇出」 葉太視察 稱近民居無奈接受
【明報專訊】太古城嘅東隅酒店下月至7月底成為國泰航空機組人員指定檢疫酒店，新民黨立法會議員葉劉淑儀噚日同太古城居民去咗酒店視察。葉太噚日喺f... 詳情
【明報專訊】立法會聽日（19日）召開大會，首兩項議員議案都係由新民黨議員提出，分別係黎棟國提出嘅「嚴防新型冠狀病毒病輸入、全方位阻止擴散、盡...
詳情
相關新聞
