【Emily】新丁議員宣誓 另一半見證
[2022.01.04] 發表
【明報專訊】第七屆立法會議員噚日宣誓就任，佢哋可以邀請家人觀禮，其中紡織及製衣界議員陳祖恒(Sunny)就叫咗老婆撐場。Emily見陳太攞住相機、挺住大肚子到場，相信陳家好快就有新成員誕生。陳太打趣取笑老公，話之前一直搞家族生意，20幾年後終於出社會打工，提醒佢「要小心呀」。
相信新丁議員上任後都有排忙，陳太被問怕唔怕Sunny冇時間陪自己，佢笑言可能𠵱家仲好過以前，「其實佢(Sunny)本身嘅工作都好忙，之前成日要周圍飛，𠵱家忙緊都應該喺香港啫」。
陳祖恒太太有喜 開心老公長留港
陳太話好榮幸老公做議員服務港人，話兩夫妻一直希望貢獻社會，以前慈善工作做得多，𠵱家做議員嘅聲音就更大，可以做嘅事情就更多。
選委會界別議員江玉歡嘅丈夫亦有到場見證，仲送上一束小花，原來係應老婆要求。江玉歡話選舉結果揭盅當晚，老公冇準備到花，所以請佢噚日補番「將功贖罪」。
江玉歡老公送花「贖罪」
另一邊廂，新民黨議員李梓敬就喺宣誓儀式前，帶老婆參觀位於中信大廈嘅新議員辦公室。
更多港聞
【明報專訊】踏入2022年市民第一個發橫財機會出現。六合彩新年金多寶攪珠今晚9點半舉行，馬會估計若10元一注買中頭獎，幸運兒可捧走8000萬...
詳情
【明報專訊】2022年中學文憑考試舉行在即，康文署噚日宣布，公共圖書館學生自修室會喺3月1日至5月31日延長開放時間，其中喺3月1日至5月7...
詳情
【Emily】梁美芬與兩徒弟話當年 立會拍住上
【明報專訊】今屆立法會有約三分之二都係新議員，唔同議員正在組合合作平台，跨黨派、跨界別都有。由九西直選轉跑道到選委會界別嘅經民聯、西九新動力... 詳情
【Emily】成立「智慧生活促進組」 EQ等倡大數據配合「安心」
【明報專訊】新議會出現唔少冇政黨背景嘅新丁，好似選委會界別議員陳紹雄、林筱魯，佢哋噚日聯同成功連任嘅民建聯葛珮帆（EQ）見記者，宣布成立「智... 詳情相關新聞
