【Emily】為病童打氣 何詩蓓戴聖誕帽拍片

女飛魚何詩蓓喺短片中戴上聖誕帽，鼓勵病童勇敢面對困難，為佢哋打氣。（兒童醫院短片截圖）

【明報專訊】病榻中嘅兒童喺聖誕佳節下無得外出睇燈飾、食大餐，兒童醫院為咗令病童感受節日氣氛，除咗喺院內佈置聖誕裝飾，更邀請4名香港運動員拍短片為病童打氣，希望佢哋勇敢面對治療，早日康復。

啱啱喺世錦賽刷新世界紀錄、喺東奧獲得兩面銀牌嘅香港女飛魚何詩蓓，片中戴上聖誕帽同病童講Merry Christmas！佢話希望戴上聖誕帽，令到病童感受到聖誕節氣氛，仲中英對照，鼓勵大家遇到乜嘢困難都要勇敢面對，「我希望大家可以好好享受這節日，記得要加油！」

伍家朗：Angus哥哥都要向你哋學習

至於羽毛球運動員伍家朗，就介紹自己係Angus哥哥，話有時輸咗比賽都會唔開心，但每次聽到家人朋友鼓勵同安慰自己，都會暫時將唔開心放喺一邊，用正面心態迎接下個比賽或挑戰。佢話覺得病童叻過自己好多，接受漫長辛苦嘅治療仍然勇敢面對，自己都要向佢哋學習，「我們一起加油，好不好？」

劍擊運動員吳諾弘同羽毛球運動員鄧俊文同樣喺片中鼓勵病童，積極面對治療，齊齊加油。

更多港聞

【Emily】考牌復故業 落選電工：選舉翌日上堂 會計妹fb改名「文在野」續監察政府

【明報專訊】立法會選舉落幕，落選者有唔同計劃，有份令到選委會界別「五光十色」嘅電工刁勝洪話自己收拾心情，重新投入工作，早前仲報讀咗行業嘅安全... 詳情

【Emily】旅局慶虎年 唔搞巡遊搞桌遊

【明報專訊】香港疫情平穩，同內地免檢通關嘅討論又就嚟埋尾，旅遊發展局已重啟久違嘅實體活動，例如西九文化區嘅大型聖誕樹每日吸引千計市民打卡，而... 詳情