【Emily】陳恒鑌諷「中五毒」 劉卓裕：最毒民建聯呢啲
[2021.12.17] 發表
【明報專訊】now新聞台噚日舉行立法會新界西南選舉論壇，非建制派荃灣區議員劉卓裕、民建聯陳恒鑌同工聯會陳穎欣3個候選人互相送「禮」，陳恒鑌(圖)送「五青汁」畀卓卓，因覺得佢「中咗五毒」，大數卓卓「搣甩唔到港獨」、「政治立場裏外不是人好孤獨」、「面對質詢唔回應，內心好苦獨」、「被同路人咒罵，中咗唔少惡毒」等，話要送杯五青汁畀佢排毒。卓卓即時疊聲反駁：「最惡毒係民建聯呢啲，真係好無恥！」
陳穎欣送畀卓卓嘅係「扮民主派嘅一手牌(麻將)」，包括兩隻發財同三萬、四萬(叫二萬、五萬)，話卓卓叫「二五仔」，如果食糊就會區議會一份糧、立法會一份糧，月入加埋有成14萬，自己發財、肚滿腸肥，入獄嘅手足就皮黃骨瘦，批評佢係食「人血饅頭」。
劉送陳「廢物再造波鞋」
卓卓反稱自己做生意仲搵得多，「14萬有幾多錢呀？」佢亦分別送「禮」畀兩名對手，佢送畀陳恒鑌嘅係「波鞋」，「有人話建制派係忠誠的廢物，呢對鞋係廢物再造；好多人話你哋廢物，唔知你(擔任議員)9年嚟做過咩，可以廢物再用」。
陳恒鑌回應時話，相信對手送鞋畀佢，係知道佢好踏實咁做事，每日都跑唔同區，經常都著爛波鞋，又叫卓卓睇佢政綱。
更多港聞
【明報專訊】正喺獄中服刑嘅民主黨何俊仁之前喺獄中唔算非常適應，立法會前議員邵家瑧近日喺facebook講仁哥近况，話收到仁哥回信，知道好多人...
詳情
浸大重建舊校 師生可選5方案 諮詢至明年1月 未有施工時間表估算費用
【明報專訊】浸會大學善衡校園（舊校）屹立逾半世紀，校方5年前提出拆卸重建，近日就5個建築設計展開諮詢。浸大回覆稱，新大樓可用面積約2.4萬平... 詳情
港9大學加入蘇港澳高校聯盟 理大：江蘇新興產業創機會
【明報專訊】「蘇港澳高校合作聯盟」（下稱聯盟）昨成立，目前有33間院校參與，包括本港8間資助大學以及香港都會大學，21間江蘇省院校、3間澳門... 詳情
相關新聞
