【Emily】退出自由黨 趙式浩：地建界冀有更持平代表
[2021.11.11] 發表
【明報專訊】趙世曾之子、卓能集團執董趙式浩(Howard)噚日報名參選地產及建造界，但就冇用自由黨「牌頭」出選。Emily得悉原來Howard噚日致函自由黨主席張宇人，話因為「私人原因」申請辭去黨籍及一切職務，即日生效。Howard喺2015年入黨，原為該黨常委兼青年團主席、發展及建造業關注組召集人。
朝早報名立選 話獲自由黨支持
Howard噚日朝早報名時冇透露已經退黨，仲話參選得到自由黨同地區人士嘅書面支持，多個地產商、建造商都有提名佢。Emily其後得悉，Howard同日申請退黨，信中感謝該黨一直嘅支持同教導，祝願自由黨「黨務興隆，立會選舉順利」。
被問點解退黨，Howard回覆話經過多年溝通，了解業界對其政黨身分「有意見」，佢哋希望見到一個「更持平、更能夠團結各持份者的代表」，佢相信退黨係呢一刻最能回應業界嘅做法。自由黨黨魁鍾國斌話冇回應。
地產及建造界議員石禮謙係經民聯創會成員，佢做議員時無退黨。地產建設商會秘書長龍漢標噚日亦報名參選地產及建造界。
更多港聞
【Emily】陳曼琪提名譚香文捱批 盧文端：佢無錯
【明報專訊】接連有非建制派攞到選委提名票「入閘」參選立法會，有建制派重量級人物就呼籲其他選委，鬆手提名非建制派，仲以身作則。全國政協常委胡定... 詳情
【Emily】話監獄人人被迫撞衫 李嘉達難忘那年尷尬
【明報專訊】民主派「35+初選案」仍有多人還押，包括觀塘前區議員李嘉達（圖），佢嘅facebook噚日就刊出佢早前寫嘅獄中信，談及以前出街同... 詳情
【明報專訊】新冠疫情肆虐全球，港府及貿發局本月24日將合辦首屆亞洲醫療健康高峰論壇，主題離不開疫情。高峰論壇將以線上線下形式舉行，超過70名...
詳情
學與教博覽復辦實體展 分享創新教育成果 疫情啟發 小六生自製肥皂
【明報專訊】一連3日的「學與教博覽」下月8日起舉行，有270場活動及360個展位，包括不少疫下創新教育科技。有小學將展示為各級設計的「廿一世... 詳情
【明報專訊】香港恒生大學獲教育局「自資專上教育提升及啟動補助金計劃」資助逾1900萬元，開展為期4年的「金融科技知識提升計劃」，本學年第二學...
詳情
相關新聞
