【Emily】點解瞌眼瞓？ 象哥怪拉布
[2021.11.08] 發表
【明報專訊】立法會選舉下月19日舉行，唔少議會老將都退下火線。民建聯黃定光(象哥，圖)擔任進出口界議員17年，今年唔再參選，佢前日喺網媒「港人講地」訪問中，為過去開會時瞌眼瞓解畫，批評當年「反對派」議員拉布、講無謂嘢，將其他人「綁架」喺會議室內，形容過程「好痛苦」，「行開分分鐘點法定人數，唔行開坐喺度，聽佢哋『發噏風』，你話悶唔悶？」
讚胡志偉實幹 黃國健感可惜
象哥嘅議員生涯不乏經典場面。2015年時佢有次喺開會期間當眾剪指甲，引起時任議員范國威不滿，發言時炮轟象哥嘅行為，兩人到會議廳外嘅走廊仲繼續嘈。象哥喺訪問中就解釋，話當時指甲崩咗，但又趕住去開會，覺得喺自己座位剪指甲唔會影響會議進行，唔理解范國威嘅態度，「對佢(范)呢種挑釁行為非常不滿」。
工聯會議員黃國健(KK)亦唔再競逐連任，佢噚日喺商台訪問中話，政府應該等社會氣氛平靜後，檢討2019年反修例風波，「如果你唔搵原因，社會會唔會仍然存在呢種因素或者『火種』，下一次又『焫着』呢？」對於泛民前議員、民主黨胡志偉身在獄中，KK話對方有做實事，競選時唔會人身攻擊，「最終連佢都入埋去坐，我覺得可惜又唏噓」。
更多港聞
【明報專訊】科技發展一日千里，自動駕駛技術亦日漸成熟。九巴噚日宣布，將與網絡供應商SmarTone及人工智能公司Teksbotics成為戰略...
詳情
【明報專訊】民主派多人因泛民「35+初選案」還押多月，其中譚凱邦嘅太太噚日就喺facebook上載譚凱邦傳來嘅獄中信，過去一直關注環保議題嘅...
詳情
【Emily】胡定旭提名黃梓謙 話「唔當選我無面」
【明報專訊】立法會換屆改選，「選舉委員會界別」至今有39人報名參選，唔少人都搵名人幫手宣傳，其中黃梓謙就搵提名佢嘅全國政協常委胡定旭（肥胡）... 詳情
【Emily】曾鈺成陪徒弟拉票 憶參選九龍中無趣事
【明報專訊】立法會選戰開鑼，參選人已積極落區拉票，其中參選九龍中嘅民建聯主席李慧琼，噚日就搵咗佢師父、民建聯創黨主席曾鈺成同佢去黃埔拉票。李... 詳情
【Emily】深水埗警署外壁畫 蕭澤頤有份上色
【明報專訊】警方過去兩日舉行「深水埗警署．油樂牆 Art Jamming活動」，邀請300名義工參加，包括深水埗區地區人士及團體、非華裔團體... 詳情相關新聞
