【Emily】龍蝦論解畫 何珮珊：坊間有似是而非誤解
[2021.11.01] 發表
【明報專訊】海關關長何珮珊上任首日提到，打擊走私澳洲龍蝦係維護國家安全好重要嘅工作，引起香港同國際關注。何珮珊接受無綫新聞專訪再解畫，話坊間「有一個似是而非的誤解」：既然龍蝦已入口香港，點解運到內地又有問題？佢由國安講到食安，話走私過程可能儲存不當，令食物變質甚至變壞；第二係因為啲龍蝦未經內地部門檢驗同檢疫，未符合內地進口食物對檢疫要求。
何珮珊重申國家安全涵蓋廣泛，包括進出口食品安全，打擊走私係維護國家嘅食物安全，不論食品嚟自邊個國家或地區，只要未符合內地檢疫要求即屬違法。佢提到海關等部門會加強打擊近期猖獗嘅海路走私，又話喺適當時候會運用《有組織及嚴重罪行條例》，針對走私案件，可以向法庭申請加重刑罰，可以凍結同充公犯罪得益。
更多港聞
【明報專訊】樂齡科技可以協助長者居家安老、改善生活質素，社會服務聯會今年連續第五年同政府合辦樂齡科技博覽，社聯行政總裁蔡海偉話，今年有百幾間...
詳情
中大學生報：向校註冊下下策 憂自主意識磨滅 盼學生平台處理註冊
【明報專訊】中大學生會解散觸發校內學生組織註冊問題，校方要求相關組織月底表明註冊意願，不註冊或影響日後所獲資源。《中大學生報》總編輯張同學接... 詳情
相關新聞
