【Emily】「羅志光」醜聞衝擊香港？ 政府籲提防詐騙廣告
[2021.10.23] 發表
【明報專訊】政府噚日出稿話喺網上發現有人用勞福局長羅致光(圖)個名同埋新聞圖片，整咗懷疑釣魚式詐騙廣告及網站，呃人連去可疑交易平台。Emily睇番網上圖片，個廣告標題係「羅志(致)光醜聞，可能衝擊香港」、「羅志(致)光近期採訪助人成為百萬富翁」。政府澄清無登過呢個廣告，仲交咗畀警方查，呼籲市民提防。警方話係有人盜用官員圖片虛構訪問，推廣某投資計劃，暫時無人被捕。
另外，新冠疫情下失業率跌至4.5%，但仍有18萬人無工開。羅致光噚日接受新城電台訪問，提到大灣區內地城市發展機會多，叫年輕人睇長遠啲，「實際上你去一個地方，初期人工稍為低啲，長遠利益係會大啲」。羅致光仲話，如果希望發展得快啲，大灣區提供嘅機遇係好多，仲打比喻話，如果喺香港每月搵萬五蚊，交五千蚊租住劏房，「情况(同去大灣區做嘢)都係差唔多」。
更多港聞
【Emily】《早辰．早晨》告別 港台改播中共紀錄片
【明報專訊】香港電台再有節目調動，有直播手語傳譯嘅早晨資訊節目《早辰．早晨》噚日突然話係最後一集，港台網頁節目表顯示，下星期一起朝早7點半至... 詳情
【明報專訊】因為初選案還押嘅劉頴匡，早前成功報讀都會大學嘅語言與翻譯榮譽文學士課程，佢女朋友黃于喬（Emilia）噚日就喺facebook話...
詳情
相關新聞
