【Emily】體驗傷健共融 朱敏健坐輪椅做運動
[2021.10.18] 發表
【明報專訊】香港傷殘青年協會噚日舉辦一年一度嘅大型傷健共融活動「 華懋『健障行』共融同樂日」，民政事務局長徐英偉、平機會主席朱敏健同香港傷殘青年協會主席、醫生吳家榮一齊主持頒獎儀式，徐英偉同朱敏健亦落場體驗兩項傷健共融運動，包括輪椅飛鏢同碰碰地壺球。
大會話，邀請二人參與傷健共融運動體驗，係想大家了解殘疾人士日常參與運動時面對嘅困難同挑戰，對殘疾人士普及運動多一分認識、多一分了解，從而建立一個和諧嘅傷健共融社會。睇活動相片，玩碰碰地壺球時，朱敏健坐喺輪椅上要調校好輪椅角度，而徐英偉坐喺輪椅上隻手要盡量伸長先能夠將壺球放到落地，要發力推動壺球，另一隻手要放喺大髀上保持平衡，一啲都唔容易。
今次活動有10間中小學、特殊學校，及多個企業機構以組隊方式參與，總參與人數超過1000。活動所籌得善款將用作推廣殘疾人士普及運動和社區傷健共融活動。
更多港聞
【明報專訊】噚日係「全國扶貧日」，亦係「國際消除貧困日」，工聯會開記者會，會長吳秋北、理事長黃國、立法會議員陸頌雄同九龍東總幹事鄧家彪都有出...
詳情
相關新聞
