【Emily】退火線？ 黃定光：仲唔夠皮咩
[2021.10.16] 發表
【明報專訊】立法會選舉12月舉行，提名期今個月30號展開，唔少資深建制派都唔爭取連任，例如進出口界議員、民建聯黃定光(象哥，圖)。早排傳出象哥接班人、香港中華出入口商會副會長黃英豪或要轉去選委會界別參選，象哥或要再坐一會，但近日據聞黃英豪會喺番進出口界出選。象哥噚日被問係咪終可退下火線，佢話自己都做咗17年議員，同期嘅黨友曾鈺成、陳鑑林等都已經離開咗立法會，佢反問：「仲唔夠皮咩？」黃英豪對於會唔會參選，同Emily講暫不評論。
「接班人」黃英豪：不評論參選否
象哥話本身上年都已經部署交棒，點知「天有不測風雲」，立法會選舉延期，所以佢要再坐一會。至於係咪交棒畀黃英豪，定係黃英豪要轉到選委會界別？象哥就話唔到佢講。
另外，立法會內會噚日開本屆最後一次會，內會主席、民建聯李慧琼話期望新一屆議會論政時實事求是、理性包容，亦要改善行政立法關係、推動經濟發展、改善民生。佢提到今屆立法會經歷風風雨雨，內會運作一度受干擾，直到最近一年延任期間先重回正軌。佢又話政府過去一年向立法會提交39項法案，係過去20年最多，其中36項已通過。
更多港聞
【明報專訊】民主派初選案多個被告還押已經半年有多，當中港大法律學院前副教授戴耀廷（Benny）早前因為佔中案上訴失敗，要服餘下刑期。民主黨林...
詳情
【明報專訊】雖然疫情緩和，但本港仍未通關。旅發局公布9月初步訪港旅客有9879人次，話就話比舊年同期上升咗8.2%，但其實累積計算，今年1月...
詳情
相關新聞
