【Emily】新主教牧徽有長頸鹿 華仁仔知由來

[2021.10.09] 發表

【明報專訊】梵蒂岡今年5月公布任命耶穌會中華省省會長周守仁接任天主教香港教區主教，《公教報》噚日公布周神父嘅牧徽(圖)，每個元素都各有意思。中心標誌以唔同顏色、形狀組成，代表多元合一。中心標誌右上角係牧徽上較常見嘅鴿子，象徵聖神，另一旁係牧徽上少見嘅長頸鹿。

周守仁：看得長遠些沒那麼緊張

曾任香港華仁及九龍華仁書院校監嘅周神父話，好多「華仁仔」都聽過佢講長頸鹿嘅故事：長頸鹿有顆大大嘅心，運送血液到頭部，象徵廣納和慷慨嘅胸襟，長頸鹿亦有廣闊視野，「視野短，容易製造恐慌給自己，看得長遠些，沒有那麼緊張」。牧徽上長頸鹿個頭仲伸出牧徽盾形外，代表視野不受局限。

港元素揀青馬橋象徵各界橋樑

以往香港教區嘅主教牧徽常有香港元素，例如獅子山、維港等，周神父就揀咗青馬大橋，比喻教會嘅使命正係唔同界別相遇嘅橋樑，而橋本身係要被踩過，無人行就無用喇。

更多港聞

【明報專訊】民建聯聽日搞施政辯論擂台，邀請「賢路」政治人才庫嘅成員參加，該黨10個立法會議員都會落場，同其他人一較高下。10條辯題分別圍繞疫... 詳情

【明報專訊】近年KOL風氣興起，建制派都積極培訓KOL，仲為此舉辦比賽遴選𠻹。話說今日建制團體「公民力量」舉行「KOL明日之星選拔大賽」初... 詳情