【Emily】傷腳選委批點票安排「欠關愛」
[2021.09.21] 發表
【明報專訊】前晚凌晨選委會選舉喺會展做中央點票，一班候選人都等到好嬲，除咗係點票程序冗長，參選新界分區會、滅罪會、防火會嘅工聯會葛兆源仲批評安排「唔夠關愛」，事緣佢做運動整親腳要打石膏，行路唔方便，但在場工作人員冇主動提出協助，葛兆源批評佢哋冇同理心。
葛兆源：打咗石膏 無人主動幫
當選嘅葛兆源同Emily講，噚晚佢一隻腳仲打緊石膏，用拐杖行路，行入去中央點票區；工作人員指示佢去一個地方入場，點知去到，另一個工作人員話佢冇證件，又要佢去另一個地方。葛兆源話工作人員冇打算向佢提出特別協助，直到佢開口問有冇輪椅借用，因為會展地方比較大，佢咁樣行法需要好耐時間，佢先知原來會展得兩張輪椅可以借用。
佢話，政府識得為投票者整「關愛隊」，但唔明白點解點票時候冇一啲關愛措施，佢認為選管會要改善對有需要人士安排。
更多港聞
【明報專訊】8000萬元六合彩中秋金多寶今晚攪珠，如果10元一注中頭獎，幸運兒可捧走8000萬元，過一個歡樂中秋。唔講唔知，呢類「節日金多寶...
詳情
相關新聞
