【Emily】毛家俊贏抽籤 當選大埔區會主席
[2021.09.08] 發表
【明報專訊】區議員宣誓風波引發260名區議員辭職，多區主席位置懸空。只得11名區議員嘅大埔區議會噚日選新主席，填補前主席關永業嘅空缺，由兩名民主派候選人角逐，但兩輪投票票數都打和，民政處職員根據相關規例，以抽籤形式決定，最終由大埔民主聯盟區議員毛家俊當選。
角逐主席一職嘅毛家俊同陳振哲，喺兩輪投票中都各得4票。大埔民政處職員之後拎出10個寫有1至10數字嘅乒乓波，由抽到數字較大嘅人當選，陳振哲先抽到4號，毛家俊就抽到10號，成為新一任主席。佢當選後話明白自己唔係最完美人選，但承諾會努力，又鼓勵區議員緊守崗位，服務區內市民。
建制派重奪觀塘區議會主導權
另外，觀塘區議會噚日亦選出新嘅正、副主席，由於正副主席都只收到一個提名，民建聯柯創盛同報稱獨立嘅呂東孩喺無對手下自動當選正副主席，由於前正副主席蔡澤鴻同莫建成都係民主派，新組合意味建制派重奪觀塘區議會主導權。
更多港聞
【明報專訊】仲有兩星期就到中秋節，天文台噚日出咗個賞月錦囊，預告滿月時間會喺當日（21日）早上7點55分，屆時月球喺香港地平線以下，即係市民...
詳情
生涯規劃 九成中學已設常額教席 教局更新指引涵蓋初中 提21推行建議
【明報專訊】選科和升學被不少學生視為「人生交叉點」，盡早規劃可望減輕焦慮。教育局昨日更新《中學生涯規劃教育及升學就業輔導指引》，新增「推行策... 詳情
相關新聞
