【Emily】林鄭到中學聽施政報告意見 學生望「貓紙」讀問題 包括十四五規劃
[2021.09.04] 發表
【明報專訊】特首林鄭月娥繼續就《施政報告》聽意見，噚日去咗保良局嘅中學，同約800名來自16間學校嘅學生透過視像及親身交流，喺歷時約一小時嘅座談中，共有約20名學生發言，而睇番政府發放嘅片段，學生提問時都係睇住預先寫好問題嘅「貓紙」宣讀，問題都算多元化，但未見火花，有學生問林太會點樣幫學校搞國安教育，亦有同學問啲好高層次問題，包括問佢國家十四五規劃，港府點樣提升唔同經濟領域競爭優勢；亦有女生問林太會唔會提早喺小學階段推行職業教育，等下一代可以盡早了解自己職業方向。
林太話香港有一國兩制嘅制度優勢同好多傳統優勢，加上國家大力支持，香港前景美好，鼓勵同學好好裝備自己。佢又聽咗學校分享推動STEM教育嘅經驗，又參觀學生喺唔同比賽嘅得獎作品同STEM教材，包括相撲機械人、水耕系統等。
更多港聞
相關新聞
