【Emily】符4條件 田二少倡先同粵城局部通關
[2021.09.02] 發表
【明報專訊】政府一直都未公布究竟幾時可以同內地通關，實政圓桌立法會議員田北辰建議可以先同廣東省城市局部通關，因為香港同廣東省長期都屬低風險地區，香港除咗喺8月17日有一宗源頭不明個案，其實已經連續3個月「清零」，田二少認為只要符合完成接種兩劑疫苗、驗到有足夠抗體、過去一個月冇外遊、持有專人採樣嘅核酸陰性檢測結果，可以申請為期兩星期有效嘅粵港健康碼；即使一旦確診，都可以追蹤到源頭。
田北辰話如每日名額1000個，14日夾埋都係1.4萬個名額，兩地夾埋都係得2.8萬人，認為只要符合晒上述4個條件，加上有粵港健康碼，內地係一個個區咁控制，佢同專家傾過，如果只係揀一兩個城市試做，喺風險角度嚟講值得考慮。佢又話有將呢個建議向特首林鄭月娥提出，但對方無咩表示。
更多港聞
名校生：同級逾10人移民 有校長稱同區學校流失過百學生
【明報專訊】新學年伊始，在移民潮下，有學生甫開學便快將與同儕離別。有就讀九龍傳統名校的高中生表示，同級10多名同學已經移居海外，但是自己「始... 詳情
5大學《條例》列明學生會校務角色 楊潤雄：倘港大修例會協助
【明報專訊】港大早前因學生會評議會通過「感激」七一刺警疑犯議案而不再承認學生會，有立法會議員關注大學學生會在校內管治角色。教育局長楊潤雄昨書... 詳情相關新聞
