【Emily】智庫訪青年看國安法 受訪者：開始自我審查
[2021.08.31] 發表
【明報專訊】青年發展委員會副主席劉鳴煒創立嘅MWYO青年辦公室，噚日出版網上刊物《青年備註》第八期，探討年輕人對《港區國安法》嘅睇法，與18名大學生或在職青年訪談。有青年話明，目前嘅社會氣氛下開始自我審查，好多以往會觸及嘅題材𠵱家都唔敢再討論；又有大學生話，由於修讀嘅學科比較敏感，畢業後都唔打算從事與專業相關嘅工作，仲話唔會應徵一啲政治立場比較鮮明嘅公司。
社福界受訪者憂誤觸「紅線」
MWYO喺7月12日至8月9日期間做訪談。港官喺國安法立法前話法例只會針對極少數人，但MWYO嘅文章提到，唔少在職受訪者都話，國安法實施後自己喺工作上需要作出一定改變，其中一名社福界青年話，法例增加咗行業嘅不確定因素，令人擔心誤觸「紅線」，仲話影響到自己和同事嘅工作熱情。另一受訪者更話，法例訂立增加咗佢同服務使用者建立互信嘅難度。
受訪者亦談及移民話題，唔少受訪者話有親友喺近期離港。對於有人話移民潮將增加留港青年向上流機會，唔少受訪者認為呢套說法係太樂觀。有青年反而擔心，因移民潮而出現嘅機會，只會惠及某類型(親建制、代表紅色資本或來自內地)嘅年輕人。
更多港聞
【Emily】速凍餐提取機助基層 冀增至50部
【明報專訊】疫情持續令失業率較過往高，基層生活更見艱難，惜食堂上年9月加入馬會嘅「賽馬會逆境同行食物援助計劃」，推出24小時速凍餐自助提取機... 詳情
【Emily】廠商會疫苗抽獎 百萬簽帳額得主誕生
【明報專訊】香港中華廠商聯合會噚日舉行「有種?有賞」疫苗獎賞計劃首輪大抽獎，由廠商會會長史立德、永遠名譽會長陳永棋一齊抽出一名幸運兒，獨得1... 詳情相關新聞
