【Emily】AO暑期實習生感言：唔要驚天動地 要做小螺絲
[2021.08.09] 發表
【明報專訊】今年政府政務職系(AO)暑期實習計劃到咗尾聲，有84名就讀本地同非本地大學嘅香港學生，獲安排喺政府28個決策局同部門實習。公務員事務局長聶德權噚日喺facebook上載部分實習學生嘅分享。聶德權同班同學仔講，唔好當佢只係一份工，加入政府做公務員、特別係政務職系，喺新時代下係一份責任同使命；又話未來日子香港將進入關鍵時刻，加入政府要有心，能建設香港、落實好一國兩制，縱然可能挑戰重重。
聶德權：港入關鍵時刻 入政府要有心
被派到發展局嘅Agnes係科大學生，佢形容政府同商業機構大有不同，又引述導師所言，「唔係要做啲驚天動地嘅事，而係作為一顆小小螺絲點樣喺呢個大部門運作，為社會服務」。佢話，實習期間要做政策研究、到數碼港同初創公司見面、到觀塘海濱了解規劃工作，深入政策背後，令佢非常難忘，獲益良多。
聶德權話，今年共接獲280幾份申請，係歷年最多，證明計劃深受大學生歡迎，期待更多有心有力嘅青年投身政府，砥礪前行。
更多港聞
【明報專訊】民主黨前主席何俊仁因前年10．1非法集結案判囚18個月，計埋還押嘅日子，至今入獄超過兩個月。民主黨前成員、屯門前區議員朱順雅前日...
詳情
【Emily】林兆彬黃店周五試業 續做社區工作
【明報專訊】油尖旺前區議員林兆彬（Ben）辭職後從商，斥資6位數開黃店賣生活百貨，部分盈利會用來延續社區服務，今個星期五（13號）開始試業。... 詳情相關新聞
