【Emily】炒龍蝦宴同事 田二少挑戰PB
[2021.08.05] 發表
【明報專訊】政府派首期2000元電子消費券，實政圓桌議員田北辰(田二少)攞咗去買龍蝦等海鮮，仲親自下廚煮「薑葱炒龍蝦」畀同事食，噚日佢將下廚短片放上facebook同大家分享，當中有拋鑊、灒酒噴火，功架十足。同事10分鐘內清晒，仲大讚好食，但田二少話自己煮飯唔叻，今次落廚係新挑戰。
同事10分鐘清碟讚好食
田二少話最鍾意食薑葱炒龍蝦，兩斤重嘅龍蝦盛惠600元，話今次「講心又講金」，煮完應該加啲分。田二少由劏龍蝦開始，到切葱、切薑，再將龍蝦落鑊炒，全部親自操刀。佢話近日受奧運啟發，覺得運動員能夠打動觀眾，唔一定係因為名次，而係突破個人紀錄、不斷進步嘅表現，所以今次佢都突破自己，上演「阿田廚房」，形容算係個人最佳紀錄(PB)，下次就更有信心挑戰其他菜式，歡迎網民留言問佢攞食譜。
更多港聞
【Emily】遠征北區探訪 葉劉嘆劏房戶「悲慘」
【明報專訊】港澳辦主任夏寶龍早前明言，期望2049年香港住屋問題獲極大改善，告別劏房、籠屋。行會成員、新民黨主席葉劉淑儀早前接獲黨友話，有居... 詳情
【明報專訊】疫情衝擊經濟下失業率高企，工聯會噚日提出多項建議解決失業問題，包括喺綜援基礎上設立「緊急失業支援計劃」，為失業者提供為期6個月嘅...
詳情
相關新聞
