【Emily】已離港李家偉失屯門區會議席
[2021.07.24] 發表
【明報專訊】區議員宣誓安排未出籠，已經有超過200名區議員辭職。本身係屯門區議員嘅李家偉(圖)雖然冇辭職，但佢較早時喺facebook出post透露自己出於安全考慮，已經離港，目前身處海外。政府噚日刊憲宣布，李家偉嘅議席由7月17日起懸空。根據《區議會條例》，如果議員連續4個月冇出席區議會會議、又冇取得區議會同意，就會喪失餘下任期擔任議員嘅資格。
李家偉回覆Emily查詢時話，被取消議員資格係意料中事，就算唔係因為缺席會議，都一定因為過去所參與嘅事被DQ，甚至追討薪津，「我唔會忘記區議員呢個身分嘅責任同意義，會繼續喺英國努力，希望可以早日同其他流亡手足平安返到香港」。
李：唔會忘記區議員責任
另外，本身係屯門區議會主席嘅陳樹英，早前喺追薪風聲傳出後辭去區議員職務，屯門區議會噚日原定補選主席一職，但因為唔夠法定人數，最終流會。
更多港聞
【明報專訊】立法會人事編制小組委員會噚日討論開設公務員學院院長職位，金融服務界議員張華峰「發炮」，話部分公務員喺前年反修例風波及去年抗疫表現...
詳情
【明報專訊】本港有超過四成人已經打咗第一劑新型冠狀病毒疫苗，為咗推高接種率，近期唔少機構都推出疫苗抽獎，香港戲院商會噚日宣布推出打針抽戲飛計...
詳情
相關新聞
