【Emily】郭家麒「登六」 前黨友隔牆祝福

【明報專訊】民主派初選案仍有多人還押，唔少人要喺獄中過生日。噚日就係立法會前議員郭家麒(KK)嘅60歲生日，雖然佢已退出公民黨，但一班前黨友紛紛喺facebook送上祝福，好似早前已離港嘅郭榮鏗就上載二人合照，形容KK係佢政壇路上嘅前輩同好伙伴，「你我之間不必多言，心照一生」，祝願KK生日平安，又hashtag「兄弟撐住」。

KK之前係新界西議員，辭去葵青區議員職務嘅譚家浚(Warren)都上載合照，祝KK生日快樂、一生平安。Warren話喺有限嘅政治經歷當中，大部分都有KK喺度，佢取笑KK「有時真係好煩好長氣」，但都接受到Warren窒佢。

梁凱晴出獄 袁嘉蔚轉還押

此外，觀塘前區議員梁凱晴、南區前區議員袁嘉蔚早前因六四案件認罪，分別判囚4個月。梁凱晴噚日刑滿出獄，照片可見佢明顯瘦咗，剪短咗頭髮。袁嘉蔚就因初選案，刑滿後轉回還押身分，意味親友可以探訪佢多啲，亦可以食更多零食，佢嘅facebook出post話袁嘉蔚非常開心。

更多港聞

【Emily】周冠威訪問冇重溫？ TVB：版權問題

【明報專訊】自從康城影展上星期五特別放映反修例紀錄片《時代革命》，唔同傳媒近日都有訪問導演周冠威。有網民留意到，TVB《星期日檔案》上星期日... 詳情

【Emily】大學生熱中做AO 郭位：典型中國人心態

【明報專訊】AO（政務主任）被視為「天之驕子」，每年招聘競爭都好激烈。城大校長郭位日前喺書展嘅講座，提到自己成日見學生，會問佢哋畢業後想做咩... 詳情