【Emily】海洋公園3遊戲 跳樓機「越礦飛車」滑浪飛船9月退役
[2021.07.07] 發表
【明報專訊】香港人嘅童年回憶、海洋公園3個極具標誌性嘅機動遊戲——「極速之旅」(跳樓機)、「滑浪飛船」同埋「越礦飛車」，將於8月31日後退役，要同大家講拜拜喇。
隨住海洋公園有「重生」方案，遲啲山上園區按景點收費，今年初公園已經透露山上部分舊機動遊戲要「退休」。海洋公園噚日宣布，呢3個重點機動遊戲即將功成身退，圓滿退役。「跳樓機」目前如常開放，而喺急流天地園區嘅「越礦飛車」及「滑浪飛船」，就會喺今個星期六起重新開放，如果大家想把握最後機會回味一番，就要記得喺8月31日或之前把握最後機會。
唔講唔知，原來「極速之旅」及「越礦飛車」已經投入服務20年，而「滑浪飛船」自1984年投入服務，更加已經運作咗成37年，係海洋公園其中一個最歷史悠久嘅機動遊戲。
更多港聞
【Emily】環團「大支嘢」請願 倡膠樽按金最少1蚊
【明報專訊】環境問題大家都好關心，多個環團聯合行動，噚日喺政總外豎起「大支嘢」膠樽請願，要求環保署推行生產者責任法規，採納國際行之有效嘅按樽... 詳情
【明報專訊】今年國際文憑大學預科課程（IBDP）狀元人數多達1155人，本港佔130名，為歷年之冠。拔萃男書院負責國際文憑統籌的教師胡家麟分...
詳情
相關新聞
