【Emily】北區新公園開4日 歌舞「大媽」進駐 保安一度阻市民瞓草地
[2021.07.05] 發表
【明報專訊】北區一鳴路公園7月1日正式啟用，內有一片大草地。北區區議會主席羅庭德噚日喺facebook話，收到街坊求助反映公園有「大媽」進駐載歌載舞，亦有唔少街坊向佢轉發地區群組帖文，想了解公園草地嘅使用權限。其中有人喺群組話放假諗住去公園野餐，點知保安唔畀佢瞓草地、又唔畀開櫈坐，當保安被問到究竟係規矩定係口講，該保安就走咗去。
區議員促保安適當規勸大媽
羅庭德話已就上述問題即時向康文署職員反映及了解，希望在場保安員如發現有大媽歌舞情况，可以即場作出適當嘅規勸同指示，以免過度嘅歌舞活動影響其他街坊。另外，公園草地喺唔妨礙其他使用者情况下，可以鋪張墊坐低chill下，初步指引係草地開放畀市民作消閒康樂活動，鋪墊或太陽擋作休息或放個人隨身物品，唔會對其他使用者構成妨礙、不便或危險，署方一般唔會阻止；但用品太大就會勸喻，以免影響其他人。
指引話草地鋪墊休息唔阻止
羅庭德話感謝康文署職員假日回覆跟進，公共空間應該係共享，至於詳細管理情况，之後開區議會會同康文署商討研究。
更多港聞
【Emily】公屋聽障租戶 免費裝視像火警警報
【明報專訊】大廈如果發生火警，都係以警鐘通知大家走火警，但聽障者就可能因聽唔到警鐘而有危險。房委會因應聽障租戶需要，免費喺佢哋嘅公屋單位內安... 詳情
【明報專訊】勞福局長羅致光逢周日都出網誌，噚日一篇就唔係寫勞福政策，而係分享佢前日以英皇書院舊生嘅身分，參加英皇書院同學會小學畢業禮，與同學...
詳情
【明報專訊】商界紛紛推出抽獎鼓勵市民接種新冠疫苗，其中華懋集團嘅抽獎今朝9點開始接受登記，大家可登入抽獎網站 luckydraw.china...
詳情
杜葉錫恩紀念館揭幕 二百萬籌建傳「真港人精神」
【明報專訊】香港政壇元老杜葉錫恩（Elsie Tu）2015年逝世，生前居於她創立的慕光英文書院舊校6樓。為紀念杜太畢生的貢獻，慕光英文書院... 詳情
相關新聞
