【Emily】250居英港人集會「哀悼九七」
[2021.07.03] 發表
【明報專訊】過去每年都舉辦嘅七一遊行，近兩年都被警方以疫情為由反對。一群移居英國雷丁嘅港人，7．1就喺當地遊行集會，希望藉此向國際社會反映香港嘅狀况，又話希望成為香港與英國之間嘅溝通橋樑，喚起覺醒，令英國聲援港人爭取民主自由。
當地港人以「Readinghker」為名，7．1當日喺雷丁市政廳廣場舉行主題為「黑衫口罩，哀悼九七。聲援蘋果，聯署制裁」集會，約有250人出席。活動發言人話，過去每七一遊行都係為民主、普選提出訴求，如今政府為咗打壓言論自由，以諸多藉口限制，亦用國安法威嚇市民。
發言人話，香港嘅新聞、言論、集會自由愈收愈窄，情况嚴峻，形容居英港人身處自由國度，希望可以為港人發聲，唔畀中共政府輕易扼殺港人嘅基本人權。
更多港聞
【明報專訊】Emily噚日提過「水上的士」早前開出嘉賓航班畀市民試搭，不過無論建制、泛民似乎都唔太滿意。有份試搭嘅觀塘區議員顏汶羽出post...
詳情
相關新聞
