【Emily】陳茂波話港深創科園發展「一區兩園」
[2021.05.26] 發表
【明報專訊】粵港澳大灣區係中央重點推動項目之一，財政司長陳茂波噚日喺大灣區科技創新論壇錄影致辭時話，國家「十四五」規劃明確支持香港建設國際創新科技中心，形容必須把握好呢個「黃金機遇」，積極融入國家發展大局。佢話，政府正全力發展落馬洲河套地區嘅港深創科園，該處擬優先發展包括醫療科技、大數據及人工智能、機械人、新材料、微電子及金融科技6個領域；園區第一期發展預計喺2024年至2027年分階段落成，港深創科園全面發展後，會成為香港最大嘅創科平台。
全力發展醫療科技大數據
陳茂波話，正同深圳市政府攜手將港深創科園跟對岸嘅深圳科技園區，建設成深港科技創新合作區，實現「一國兩制」下嘅「一區兩園」，指兩地政府正一齊制訂政策，探索便利兩地科研資源、資金及人才流動嘅措施，並將展開對外推廣活動，吸引國內外人才同企業落戶。
更多港聞
嶺大深圳大學合辦課程 擬共建研究院 合報國家項目
【明報專訊】本港多間大學均有在大灣區辦學。嶺大校董會主席姚祖輝及深圳大學黨委書記兼校長李清泉，昨分別代表雙方簽署合作意向書，合辦本科、碩士和... 詳情
相關新聞
