【Emily】工權會成立40周年 阿石拍片籲6?5幫手買旗
[2021.05.19] 發表
【明報專訊】工業傷亡權益會成立40周年，該會主席、立法會前議員劉千石(圖)噚日拍片，幫手宣傳工權會下月5日嘅全港賣旗籌款。工權會喺1981年12月27日成立，一直關注本港嘅職業意外，佢哋喺facebook憶述，「那些年，一支筆一張紙就在醫院裏開始了補償程序講座」，仲話40年間幫助過唔少家庭，希望減少職業意外對工友同家屬嘅痛苦，如今受助家庭嘅小朋友都長大成人。
阿石呼籲市民踴躍捐輸，話工權會會喺下月5日，上午7點至中午12點半喺全港多區賣旗。
工權會拍攝短片宣傳，內有活動舊照，話佢哋過往經常落區講解職業安全，加強大衆意識；多年來爭取停止手挖沉箱工程，到1996年初終於有回報。
工權會話該會資源並唔充裕，只有10幾個職員，但一直跟進本港嘅職安個案，會趕去醫院、意外現場或公眾殮房，陪伴家屬面對難關、提供協助。
更多港聞
【明報專訊】新冠病毒疫情重挫旅遊業，旅遊發展局總幹事程鼎一話，未來兩星期會推出第二輪「賞你遊」活動，仲呼籲市民打疫苗，因為疫後旅客揀地方旅行...
詳情
科大廣州校生畢業證書與港相同 「按法規」必修思想政治課 學科不重複「免比較」
【明報專訊】多間大學相繼進軍大灣區辦學，其中科大正於廣州南沙興建香港科技大學（廣州）（下稱港科大（廣州）），料明年9月開校。港科大（廣州）創... 詳情
相關新聞
