【Emily】何君堯倡新界北建禮賓府 「你阿頭唔立足呢個地方 叫其他人去？」

[2021.05.14] 發表

【明報專訊】立法會噚日辯論並通過「以口岸經濟帶動新界北發展」嘅無約束力議案。建制派何君堯建議將來喺新界北興建禮賓府，以展示政府關注新界北嘅發展。

「10年完成發展計劃顯示魄力」

何君堯發言時話，今次議案吸引佢之處係建議將政府總部北移，「我認為特首要起個禮賓府喺嗰度，應該隆而重之關注嗰個地方！你阿頭唔立足呢個地方，叫其他人去？點係呢？」何君堯又話，新界北發展計劃應該10年內要做好，唔係10年後先搬人入去住，係10年後要完成整個發展計劃，「呢個先顯示出我們個魄力」。

工聯會麥美娟就批評，政府早前向立法會提交文件，申請10億元撥款研究新界北發展，需要用7年時間，「7年用10億，草都種唔到條呀」，「呢個速度我點可以接受呀？」建議政府檢討城規條例。

「北環線要等到陸頌雄孫出世？」

麥美娟又提到，「北環線」規劃發展30年，到𠵱家都未搞掂，話工聯會陸頌雄個仔現時10幾歲，質疑陸頌雄個孫出世「搭到未呀？」

麥美娟話，無論口岸帶動或創科帶動新界北發展都好，「乜嘢都係假，速度先係最緊要呀！點樣解決到香港𠵱家嘅龜速」，促政府帶頭檢視所有條例，修例令速度加快。

更多港聞

【明報專訊】立法會三讀通過公職人員宣誓條例前夕，多名民主派區議員辭職，當中包括深水埗區議員周琬雯。日前部分區議員喺區議會會議飲酒歡送周琬雯，... 詳情

【明報專訊】政府通過修例，區議員將要宣誓，連日有民主派區議員表態唔宣誓以至辭職，油尖旺區議員陳梓維就表明會宣誓留任，直至本屆任期完結為止。不... 詳情

【明報專訊】旅發局自上年力推「旅遊?就在香港」，鼓勵港人探索香港，旅發局主席彭耀佳同總幹事程鼎一之後就分別視察咗赤柱同深水埗。彭耀佳話，赤柱... 詳情

【明報專訊】人大出手更改香港選舉制度後，各界普遍預計，建制派日後喺立法會將佔絕大比數，今年成立10周年嘅新民黨就表明要「積極爭取議席」。話說... 詳情

【明報專訊】中學文憑試（DSE）中史科昨日開考，今年卷一設有多條分題，並首現多項選擇題（MC）。有中史科教師形容，今年試題「四平八穩」，提問... 詳情