【Emily】教局：積極參與學校送免費遊學 參加基本法問答賽有着數
[2021.04.17] 發表
【明報專訊】教育局近年強調要加強學校嘅《憲法》、《基本法》同國家安全教育，局方噚日就致函中小學，邀請學生參加「第七屆《基本法》全港校際問答比賽」，仲出招「利誘」，話參加率高嘅中小學唔單止有獎攞，多人參加嘅學校，師生仲可以免費參加基本法學習團，到訪地點就未定。
比賽有小學組同中學組，分別畀高小同初中學生參加，初賽下個月喺網上舉行，參賽學生要喺15分鐘答30條題目。
教育局話，每組頭30間學生參與率最高嘅學校，會攞到「最積極參與學校獎」，當新冠疫情緩和後，局方會邀請相關學校推薦師生參加「進階《基本法》學習團」，費用由局方承擔。
參考資料加入國安教材
攞到「最積極參與學校獎」而且平均得分最高嘅5間中學同5間小學，除咗可以晉身決賽，教育局仲會邀請學校推薦學生，參加下學年喺內地舉行嘅「第六屆全國學生『學憲法講憲法』活動全國總決賽」，「以增加學生對國家《憲法》及《基本法》的認識，拓寬視野」。
教育局提供多項參考資料同網頁畀參賽學生準備。今屆問答比賽係《港區國安法》實施後第一次舉辦，局方為中小學生準備嘅參考資料，都加入咗當局就學校國家安全教育推出嘅學與教資源。
更多港聞
【Emily】一齊爭建𨋢多年 黨友嘆無法同阿尹分享喜訊
【明報專訊】民主黨尹兆堅因為民主派初選案而被收押，佢嘅黨友、葵青區議會議員梁國華就喺facebook發帖，話阿尹跟黨友十幾年來無數次請願及提... 詳情
【Emily】獄中無得見親友上網 岑子杰話似返到小學
【明報專訊】民主派初選案尚有36人還押，沙田區議員趙柱幫、石威廉噚日去探社民連岑子杰（Jimmy）。趙引述Jimmy預計最少要坐3年監，現時... 詳情
【明報專訊】反修例風波有唔少年輕人被捕，多名學者組成「Project Change蛻變計劃」提供支援，該計劃近日發表中期報告，透露由去年6月...
詳情
相關新聞
