【Emily】摘兩冠 明報奪最佳新聞10獎
[2021.03.30] 發表
【明報專訊】香港報業公會噚日公布「2020年香港最佳新聞獎」，《明報》今屆一共奪得10個獎項，包括2冠、3亞、2季及3優異。回顧2020年，香港經歷極不平凡嘅一年，新冠病毒疫情來襲、《港區國安法》生效等。今屆大部分得獎作品都同疫情有關，涉及政治嘅唔多，其中《明報》同事憑住港區國安法嘅報道，以及一張攝於反國安法遊行期間嘅照片，奪得兩項大獎冠軍。
《明報》港聞組憑「港區國安法生效」報道，奪得最佳新聞報道冠軍；攝影記者馮凱鍵影低12歲女童喺旺角被警員騎喺身上制服前嘅一幕，作品《無妄之災》獲最佳圖片(新聞組)冠軍。Emily恭喜手足同時，亦多謝讀者鼓勵同支持，我哋一定會繼續努力，做多啲好新聞。
今屆參賽報館共有12間，提交咗607份參賽作品，競逐75個獎項；得獎作品多數以疫情為主題，例如最佳獨家新聞嘅3個獎，全部由疫情新聞包辦。最佳新聞報道方面，除咗《明報》嘅國安法報道，《南華早報》嘅反修例示威專題亦有獲獎，其餘3個獎就同疫情有關。
更多港聞
【Emily】少訊搞STEM比賽 500獎共28萬獎金
【明報專訊】政府積極推動STEM（科學、科技、工程及數學）教育，連少年警訊都搞中小學生STEM比賽，少訊話希望學生喺比賽諗啲創新方案，喺出行... 詳情
【明報專訊】民主派立選初選案中，有36名被告仍要還押，外界書信對佢哋而言係重要嘅打氣。南區區議員袁嘉蔚嘅facebook管理員出帖，透露袁嘉...
詳情
【明報專訊】復活節假後，幼稚園、小學生回校上限增至每半天三分之二，中學上下午分別最多三分之二，倘全體教職員定期新冠病毒檢測，仍可申請全校半天...
詳情
相關新聞
