【Emily】Band友嘈到民居 區議員出post被鬧公審打壓
[2021.02.22] 發表
【明報專訊】區議員要平衡社區各界需要唔係易事。黃大仙區議員陳啟淳日前出post，話新蒲崗午夜12點半，有人喺工業大廈「又打band」、嘈到附近居民，該post至噚日有超過2600個留言，有網民質疑陳啟淳「公審」打壓樂隊，質疑如果工廈區都唔夾得band，樂隊可以去邊。獨立音樂表演場所「Hidden Agenda」更加話「香港玩音樂真係好慘，黃色區議員喎」。不過亦有附近居民話，每星期都有人夾band擾人清夢、「你地夾band就要劏房窮人陪葬？」
2600留言 網民倡搵band友商量
陳啟淳強調夾band聲浪太大、嘈到民居，又話唔好用「本地音樂發展」去合理化自己滋擾到人，「有個好簡單嘅解決方法：轉地方或者轉時間練習」。有網民提出，議員可以主動同band友溝通、提出噪音管理解決方法，例如做好隔音措施、閂窗練習，盡量達至雙贏。
陳啟淳寫長文解釋，話涉事工廈天台去年4月起深夜經常有夾band聲音傳出，滋擾附近民居，佢話拍過門但冇人應，曾去信大廈法團同管理處，亦嘗試聯絡band友但不果。
為「意氣用事」回覆道歉
陳啟淳寫長文解釋
陳啟淳話明白香港愈嚟愈少地方可以夾band，但都希望顧及他人感受，盡量唔滋擾到人下玩音樂。佢話自己都有做得唔好嘅地方，亦承認有幾個回覆係意氣用事，對此表示抱歉。
更多港聞
【明報專訊】香港潮屬社團總會噚日舉行第10屆會董就職典禮，「潮人」、港區人代陳振彬（Bunny）接任會董會主席。特首林鄭月娥、駐港國安公署副...
詳情
【Emily】大嶼山研環島遠足徑 全長100公里
【明報專訊】疫情下唔少人湧去郊遊，離島係其中一個熱點。發展局長黃偉綸噚日喺網誌話，可持續大嶼辦事處正研究改善大嶼山遠足徑同網絡，希望整合一條... 詳情
滕錦光：理大衝突「和平解決」 自評表現佳 稱「警察被射一箭最嚴重」 不掌握反修例被捕學生數字
【明報專訊】2019年理大爆發激烈衝突，警方其後封鎖校園13日，多名示威者被困，至上周再有12人被控暴動。理大校長滕錦光接受本報專訪時首度開... 詳情
【明報專訊】施政報告重點鼓勵年輕人放眼大灣區，部分年輕人對此抗拒。理大校長滕錦光表示，每個年輕人對大灣區有不同意見，不會用偏見來形容，「大灣...
詳情
相關新聞
