【Emily】周庭頻道膺YouTube新晉第一 今年十大熱門片 衛署教洗手居首
[2020.12.09] 發表
【明報專訊】今年喺疫情下，大家多咗時間留家抗疫，不時上網睇片消閒。噚日YouTube香港公布今年香港地區「十大熱門影片」、「十大熱門音樂影片」同埋「十大新晉頻道」，反映港人過去一年關注嘅話題。其中在囚嘅周庭，佢開嘅Channel排喺今年「十大新晉頻道」第一位(見表)。
Channel 2月開始 逾33萬訂閱
周庭早前被控煽惑他人參與未經批准集結等罪，判囚10個月，佢個Channel今年2月先開，至今有超過33萬個訂閱。「十大新晉頻道」排名榜上仲有唔少時事評論頻道，例如建制派嘅工聯會「小花」陳穎欣、KOL100計劃嘅肥仔傑分別排第三同第四，國際關係學者沈旭暉、民主黨鄺俊宇、「燒山」蕭若元嘅Channel「memehongkong」，以及袁爸爸袁弓夷嘅Channel都有上榜。
「十大熱門影片」中，衛生署衛生防護中心示範點洗手嘅《防疫診症室—潔手篇》影片高踞榜首，其次係蘋果動新聞嘅直播報道《5.24反國安法大遊行》，之後就係香港電台嘅專題節目《鏗鏘集：7.21誰主真相》。周庭亦有片上榜，佢嘅《爆笑！藍絲有事嗎?藍YouTuber Reaction》排第7；其餘嘅仲有運動、娛樂類型影片上榜。
更多港聞
【Emily】紫荊黨參選？ 鍾國斌：唔係有錢就有票
【明報專訊】卓悅控股主席陳健文、中播控股主席黃秋智等人創立紫荊黨，計劃招募25萬名黨員。自由黨黨魁鍾國斌（Felix）噚日接受民主黨前主席劉... 詳情
【Emily】陳樹英入稟追5萬津貼 民署：瑣屑無聊促剔除
【明報專訊】屯門區議會主席、民主黨陳樹英被指7月將辦事處用嚟做民主派初選投票站，被民政事務總署拖欠7月份嘅營運開支津貼，涉款逾5萬元。陳樹英... 詳情
【Emily】王進洋查公屋聚賭 手機貼防盜眼拍片
【明報專訊】東涌區議員王進洋一直跟進區內聚賭問題，佢話前日接到街坊求助，有公屋居民長期濫用公屋聚賭，日日都有唔同面孔出入，不時發出聲浪同打牌... 詳情
相關新聞
