【Emily】戴耀廷事件 校長冇投票 港大教職會函張翔促交代
[2020.08.07] 發表
【明報專訊】港大校委會上星期決定解僱法律系副教授戴耀廷，推翻咗主要由教授組成嘅教務委員會嘅建議。港大教師及職員會噚日向校長張翔發信，要求佢解釋點解喺校委會上未有投票，以捍衛港大學術自由及院校自主。港大教職會副主席楊德忠話，希望畀個機會校長同教職員解釋。
信中形容校委會炒戴耀廷係濫權(abuse of power)，相信決定受政治干預，就如立法會議員邵家臻及鄭松泰、浸大生物系前研究助理教授王凱峰等人唔獲大學續約一樣；教職員對張翔感到失望，認為港大需要一個能夠捍衛學術自由及院校自主嘅好領袖，而張翔欠教職員一個交代。
楊德忠同Emily講，只從媒體得知張翔無投票，希望張翔可以親自證實說法同向教職員交代，暫時未有就幾時回覆設限期。
更多港聞
【明報專訊】反修例風波期間逾8000人被捕、1600幾人被起訴，有人因此無咗份工。民主黨深水埗區議員袁海文（Ramon）早前收到一名英籍教師...
詳情
相關新聞
