【Emily】擬戰教界 獨眼教師fb諮詢 話想引國際關注及警醒教協
[2020.07.18] 發表
【明報專訊】立法會選舉提名期今日展開，現任教育界議員葉建源、教聯會副主席鄧飛今日都會率先報名，過去教育界選舉都係教協、教聯會之爭，今年或出現混戰。除咗北區區議員蔣旻正，舊年6月12日衝突中右眼受傷嘅通識科老師楊子俊(圖)噚日喺facebook出帖，就應否參選教育界收集意見。
擔心當選損教協議價能力
楊子俊喺facebook話，參選與否已有初步睇法，個人對選舉、議會和議事熱誠唔大，但參選除咗可以喺議會抗爭，仲可以引起國際關注、警醒教協。不過，佢都擔心假若佢「𠝹票」導致建制勝出，自己會成為民主陣營罪人 ；如果佢當選，亦會損害教協作為教育界最大工會同政府談判嘅議價能力。
楊子俊同Emily講，絕對唔會容許建制漁人得利嘅情况發生，而佢同蔣旻正其實係同伴，不過佢就唔透露之後有冇Plan A、B同退選等計劃，話現時都係想收集大家意見，唔係單純睇有幾多人支持或反對。
留言網民意見不一，有網民認為楊熱誠唔大唔好參選，亦有網民認為教協作風保守，教育界要注入新動力，但大部分人都認為民主派要協調好。
更多港聞
【Emily】羅冠聰見彭定康 國際局勢講到人類學
【明報專訊】香港眾志前主席羅冠聰喺港區國安法生效前離開香港，日前透露身在倫敦，佢噚日喺facebook上載同末代港督彭定康嘅合照，話經常告誡... 詳情
【Emily】再論「收成期」 波哥：冇份建設我嘅成果憑咩破壞
【明報專訊】財委會主席陳健波（波哥）上年曾經話自己好努力先有較安穩生活，現時係「收成期」，不滿示威者破壞佢嘅生活，言論引嚟爭議。波哥噚日召開... 詳情
【明報專訊】政府噚日公布多個人員調動，保安局助理秘書長楊蕙心同政制及內地事務局助理秘書長黃智華，分別做離島同黃大仙民政事務專員，喺今日立法會...
詳情
相關新聞
