【Emily】民記選舉宣傳 慧琼短訊黨友反攬炒

民建聯噚日出宣傳片，片中黨主席李慧琼（圖）ＷhatsApp黨友「反攬炒、救香港」。（短片截圖）

【明報專訊】民建聯前日公布立法會選舉出戰名單，目標力保13席。佢哋已開始宣傳攻勢，民記facebook噚日上載一段齊集各出戰名單首位嘅成員，同埋喺超級區議會排名單第二嘅副秘書長顏汶羽嘅短片，佢哋喺片中收到爭取超區連任嘅黨主席李慧琼WhatsApp：「兄弟姊妹，我哋𠵱家去反攬炒、救香港，你哋到未呀？」然後鏡頭就轉去各人拎起電話，睇到黨主席嘅柯打，即刻趕去添馬公園，用堅定嘅眼神向前邁步，片尾打出「反攬炒 救香港」嘅選舉主題。

群組對話「流出」 周浩鼎：又點人數

呢段短片仲要「流出」民建聯通訊群組嘅議員對話，參選新界西嘅周浩鼎話「無厘頭又點人數」，參選新界東嘅陳克勤回覆「佢哋開會成日喺度講無謂嘢，都唔係傾正經嘢」；喺新西爭連任嘅陳恒鑌就話「開會鬧人、掟嘢，玩完臭彈就收工」。於是李慧琼回覆，叫佢哋「反攬炒、救香港」。短片取景唔同地方，舉例有法律背景嘅周浩鼎，就喺終審法院門外拍。

另外，該黨嘅荃灣前區議員林琳早前喺聯合國人權理事會上，透過視像形式用英文發言，批評外媒同政界把過去一年喺香港嘅暴力合法化，又話港人已受夠黑暴。

更多港聞

反修例一年 26教師遭譴責警告

【明報專訊】反修例運動爆發以來，教師專業操守受社會廣泛關注。前特首梁振英早前要求教育局公開違規老師資料，建制派昨亦敦促局方公開失德教師身分。... 詳情

下周三放榜 教局籲學生盡快離校

【明報專訊】新冠肺炎確診數字持續上升，教育局前日致函學校，昨起暫停校內活動至28日。教育局昨補充，暫定如期下周三（22日）中學文憑試放榜，學... 詳情

讀仁安護校 最快6年移民芬蘭

【明報專訊】近日專業移民查詢增加，惟要移居海外，資歷要獲當地認可。仁安醫院護士訓練學校 （下稱「仁安」）推出銜接北歐醫護課程，接受應屆中學文... 詳情