【Emily】反駁指控 之鋒：眾志戶口從無八位數
[2020.07.14] 發表
【明報專訊】《港區國安法》生效後，香港眾志等多個政團解散，《文匯報》早前引述眾志「內部爆料人士」指眾志戶口有2166萬元，又指前秘書長黃之鋒戶口有1621萬、前常委周庭有395萬元。民主派初選過咗，之鋒噚日出帖澄清，強調眾志銀行戶口從無試過有逾八位數字金額，又話自己冇收任何眾志款項，亦信眾志解散後餘款係用得其所、得以貢獻公民社會；但佢未有具體交代款項去向。
之鋒強調，話佢中飽私囊、擅取1621萬「根本就是無中生有的假新聞」；佢不時被指購入貝沙灣物業，之鋒雖然澄清咗好多次，但重申自己向來住喺海怡半島，未曾持有任何物業，更冇喺貝沙灣買樓。
周庭較早前亦澄清過有關報道，又話有朋友笑係咪想講400萬日圓(約28.9萬港元)，佢就話自己啱啱大學畢業，400萬日圓都冇，400萬韓圜(約2.58萬港元)就可能有。
更多港聞
教大新書回顧香港教育史 中西區名校60年代已受追捧
【明報專訊】中西區名校林立，向來受家長歡迎。教育大學出版《搖籃地——中西區教育今昔》，從殖民時代追溯本港正規教育歷史起源及發展，1960年代... 詳情
【明報專訊】疫情嚴峻，中學文憑試（DSE）下周三（22日）放榜。考評局昨表示，暫定如期發放成績，會密切留意疫情發展，如有更新安排會盡快公布；...
詳情
相關新聞
