【Emily】1030萬置業 鄺仔被跟蹤
[2020.07.07] 發表
【明報專訊】民主黨立法會議員鄺俊宇(鄺仔)噚日同Emily講，自己呢兩星期被人用車跟蹤，並自爆有記者查緊佢喺大角嘴嘅一處物業。鄺仔話為咗方便返立法會，2018年喺大角嘴買咗一個單位，此前已刪除自己喺天水圍嘅公屋戶籍，而新居係佢唯一嘅主要自住居所，所以唔使向立法會申報，做法無違反《議事規則》。Emily查冊後，知道鄺仔買咗「利奧坊．凱岸」一個400幾呎單位，成交價1030萬元。
鄺仔話之前曾被襲擊，被人跟蹤都擔心咗一排，最後原來發現係關自己新居事，「你成家立室好正常啫，我決定喺香港共生死、落地生根」。鄺仔冇多講自置單位資料，只係話已經做盡按揭先買到樓。
購利奧坊．凱岸400幾呎單位 毋須申報
Emily查冊後發現，鄺仔已成千萬業主。佢喺2018年中購入由恒基地產發展嘅「利奧坊．凱岸」一個中層連露台同工作台嘅單位樓花，今年3月正式做按揭同埋二按，單位實用面積400幾呎，成交價1030萬元，平均呎價約2.47萬元。翻查資料，該盤為單幢式住宅，再細分為第一、二座，樓高29層，共提供514個單位，絕大部分係開放式同1房單位，鄰近港鐵奧運站同奧海城。
更多港聞
【Emily】出版總會挑戰200選民資格 被裁反對無效
【明報專訊】立法會選舉「體育、演藝、文化及出版」界別（下稱體演文出）臨時登記冊嘅登記選民有4163個，其中約200個出版界團體選民資格遭香港... 詳情
【明報專訊】民主黨立法會議員許智峯上個禮拜五（3日）突然入稟區域法院，控告民建聯成員、中西區議會前副主席陳學鋒誹謗，仲要法庭下令禁止陳學鋒或...
詳情
【Emily】破九西2：4格局 梁美芬：靠新選民
【明報專訊】立法會選舉9月舉行，今個月18號就進入提名期，經民聯梁美芬噚日同記者見面，分析一下有6席嘅九龍西選情。梁美芬2008年起當選九龍... 詳情
相關新聞
