【Emily】區軒料去東京讀博士
[2020.03.12] 發表
【明報專訊】立法會前議員區諾軒(區軒)早前因為選舉呈請案件失去議席，短期內亦無意再戰立法會，佢噚日出post透露，如無意外未來會喺東京大學公共政策大學院，修讀博士課程。佢自言10年前當選區議員時，已經諗住讀書咁話。
區軒透露，離任之後不時有朋友鼓勵佢繼續參選，但佢認為學術、政治都係佢嘅志業，「未走完學術的木人巷，未有充足的理念做政治，始終心存保留」，佢形容已經行走江湖10年，「再不過木人巷，會越來越沒條件過」。
離港前推立選協調機制
雖然希望專心學術，但區軒未來會同港大法律學院副教授戴耀廷，推動今屆立法會選舉協調機制，「我認為這是我暫別香港前最合適的貢獻」。佢預視政府未來會加強警察鎮壓能力，難以擔保再有惡法時人民足以頂住，認為推動泛民喺立法會議席過半，「離過半多一步，多一分可能抵擋暴政的打壓」；又話如果地區多一席畀建制派，等於畀建制派多一名議員、資源反攻。
區軒指出，當選舉結果「自由化」，意味現時制度未能帶來政權穩定，「他們要不就撕破臉推倒政治制度，要不便要面對民主改革」，認為重要嘅係建立恰當嘅協調機制，起碼善用選票，等議席盡可能落入民主陣營手中。
更多港聞
【Emily】批區議員李文浩3宗罪 民記研法律行動
【明報專訊】深水埗區議員李文浩同劉家衡合用嘅辦事處門外張貼「藍絲與狗不得內進」告示，惹來好大爭議，繼連日來都有反對者到辦事處抗議後，民建聯亦... 詳情
【明報專訊】新冠肺炎疫情未完，政府先後推出抗疫基金等措施，但工聯會仍認為有「補漏」空間，噚日向政務司長張建宗反映意見。工聯會行政會議成員黃國...
詳情
【明報專訊】美國賓夕法尼亞大學今年1月發表《全球智庫報告2019》，團結香港基金喺「全球最佳智庫（美國及美國以外）」榜中，位列第112名，比...
詳情
相關新聞
