【Emily】林鄭否認患癌：忙工作面容憔悴
[2020.02.05] 發表
【明報專訊】前日網上流傳特首林鄭月娥患淋巴癌，聲稱林太喺兩個星期前做咗第一次手術，手術位置喺頸。林太噚日喺開行會前見記者，主動澄清話傳言冇根據，解釋佢近日神情、面容比較憔悴，係因為長時間工作。佢強調自己健康良好，仍然可以帶領特區政府應付呢次非常嚴峻嘅疫情。
林太自反修例風暴以嚟，經常主動向傳媒澄清流言。前日有人喺網上話佢患上淋巴癌，近日做完頸部手術，所以林太𠵱家做任何決定都唔會考慮香港人，又呼籲林太出嚟澄清云云。有facebook專頁share呢個傳言，上載林太近日見記者嘅衣著，話「唔怪之得(林太)係咁著樽領」。
噚日戴住頸巾見記者嘅林太否認患癌，而佢同政府團隊日以繼夜處理疫情，因為長時間工作，所以佢神情、面容比較憔悴。
更多港聞
【明報專訊】全城口罩供應不足，懲教署工業組（CSI）日夜趕製，不過，社福界立法會議員邵家臻收到女囚友投訴，指懲教署工業組為咗加班趕製口罩，出...
詳情
相關新聞
