【Emily】反醫護罷工工會 會員只有17人？
[2020.02.04] 發表
【明報專訊】面對武漢肺炎，醫管局員工陣線噚日起罷工5日，「香港醫療人員總工會」前日公開呼籲唔好罷工，但該會會員人數受質疑。職工盟總幹事蒙兆達噚日話，根據2018年嘅香港職工會統計年報，香港醫療人員總工會只得17名會員。Emily噚日問過工會秘書謝先生，對方話因為工會由14間成員工會所組成，年報嘅17人，就係各個成員工會嘅負責人同理事咁話。
秘書：17人係各團體負責人
蒙兆達喺facebook出post引述年報話，「香港醫療人員總工會」只得17名會員，總工會秘書謝先生就向Emily表示，原因係總工會旗下有14個團體會員，總工會並不向外公開招收個人會員，呢17人就係各團體嘅負責人及理事。佢話，呢個總工會最新成員人數為1.68萬。
睇番香港醫療人員總工會官網，佢哋喺2012年底成立，創會工會包括「香港機構醫生協會」、「政府衛生署員工協會」等，根據2018年年報，當中最多人嘅係「政府公共醫療員工協會」，有4200人，最少嘅「政府牙科技術員及技師協會」就有40人。
更多港聞
【明報專訊】元朗區議會噚日舉行特別會議，討論應對武漢肺炎疫情嘅社區防疫工作，會上通過咗促請警務處長鄧炳強帶領3000個前線警員義務前往武漢抗...
詳情
【明報專訊】今年係立法會選舉年，民主黨同公民黨本身打算分別喺3月同4月舉行籌款晚宴，為大選籌募經費，但武漢肺炎疫情嚴峻，兩黨都話有可能要延遲...
詳情
相關新聞
