【Emily】兩建制爭主席 有驚無險 離島區會 建制1票投泛民

離島區議會正、副主席選舉有結果後，民主派嘅參選人梁國豪（右），質疑當選主席嘅余漢坤（左）作為恒基高層、已故鄉議局主席劉皇發嘅女婿，可能涉及利益衝突；余漢坤就強調家族已盡量減少喺大嶼山嘅利益。（劉焌陶攝）

周玉堂

【明報專訊】各區區議會陸續開會，離島區議會因為有多名當然議員，係今屆唯一由建制派佔多數嘅區議會，噚日舉行首次會議選出正、副主席。建制派分別有上屆主席周玉堂(圖)及立法會前議員劉皇發嘅女婿余漢坤爭奪主席，不過泛民候選人梁國豪未能因建制內訌而偷襲成功，喺兩輪投票下，由余漢坤當選區議會主席。副主席就由梅窩鄉事委員會主席黃文漢及公民黨容詠嫦競爭，最終由黃文漢出任。

劉皇發女婿任主席 副主席同為建制

離島區議會噚日共有3人爭做主席，最終首輪投票，周玉堂只得4票，余漢坤、梁國豪分別獲7票，結果喺周玉堂被淘汰並進入第二輪投票下，余漢坤、梁國豪分別獲10票及8票，泛民喺離島有7人，意味有建制派喺第二輪投票投咗畀梁國豪，梁國豪就多謝最後轉投畀佢嘅鄉事派，形容對方「有良心」。

余漢坤被問到建制派點解有兩人出戰，話佢哋想內部初選，但都想透明，所以將內部篩選「拎出來畀大家一齊見證」，形容體現民主進程。有市民質疑佢會否辭去恒基地產職位，佢就表示自己經歷兩次過競選洗禮，選民都冇意見，認為可以繼續做，但強調會審時度勢。被問到作為唯一建制派主導嘅區議會有咩感受，余漢坤話無得咁分，「任何選咗嘅議員，都喺建制入面，只係意見不一」。至於會否出席政務司長張建宗周五舉辦嘅簡介會，佢就聲稱「未收到邀請」喎。

更多港聞

【Emily】搶攻飲食界功能組 名人拍宣傳片 「黃店」設網站鼓勵選民登記

【明報專訊】立法會選舉9月舉行，民主派已經動員支持者喺功能組別做選民登記，希望可以搶攻一啲傳統功能組別議席，飲食界係其中一個目標界別。親泛民... 詳情

【Emily】「火種已散落社區」 區諾軒交還立會議辦

【明報專訊】議會陣線區諾軒（圖左）同范國威（Gary）去年底因終院拒批選舉呈請案上訴許可而失去立法會議席，兩人噚日收拾好個人物品同辦事處物資... 詳情

【Emily】王志民「絕版」賀卡 陳沛然上周收到

【明報專訊】中聯辦主任王志民上周六（4日）被免職，由山西前省委書記駱惠寧接任，至今官方仍未公布王志民嘅去向。似乎呢個人事變動係有啲急，皆因有... 詳情

【Emily】黃之鋒拍片籲台灣人回家投票

【明報專訊】台灣總統大選今個星期六（11號）舉行，唔少政黨人士都會飛去寶島觀選，有案件在身、未能出境嘅香港眾志秘書長黃之鋒就拍片越洋呼籲台灣... 詳情

【Emily】石永泰為「泥土空氣」與工程師交鋒

【明報專訊】港鐵沙中線紅磡站聆訊上周四（2日）再開庭，聆訊由2018年起已經開咗一年有多，平時工程學就聽得多，噚日Emily仲要學埋科普知識... 詳情