【Emily】江貴生出帖問進修意見 黨友笑年年問
[2019.12.30] 發表
【明報專訊】唔少人正職以外都會進修，本身係社工副學士嘅民協深水埗區議員江貴生，早前喺facebook尋求進修意見，問如果想下年兼讀學位，網友有冇推介。黨友楊彧即刻留言笑佢「你好似一年問一次」，仲貼舊圖話江貴生喺2016年9月問過如果想讀社會科學學位應該幾時準備、有咩要注意；上年就問過讀番個學位有咩推介。
Emily睇番舊帖，發現江貴生舊年確喺fb問過進修意見，當時黨友覃德誠苦口婆心，勸佢區選之後先諗讀書，「一個唔覺意輸咗，你就真係大把時間慢慢讀喇」。
今次民協一眾成員好有愛，畀咗唔少意見，候任南昌南區議員李庭豐仲話自己已報名讀港大城市規劃碩士課程。江貴生就同Emily講，對社會科學課程較有興趣，Emily相信佢今年成功連任區議會，讀書都冇後顧之憂啦。
更多港聞
【Emily】鴿黨候任區議員 同日本行家做筆友
【明報專訊】反修例風暴爆發至今，好多泛民主派都積極同外國議會交流，希望將香港問題提升至國際層面。估唔到候任屯門樂翠區議員、民主黨盧俊宇（Ca... 詳情
【Emily】機場試垃圾徵費 模擬帳單估日後支出
【明報專訊】機管局2018年拎咗香港環境卓越大獎公共及社區服務金獎，佢哋上年推出多項環保措施，包括自願垃圾徵費試行計劃，有參與嘅機場禁區內餐... 詳情相關新聞
