【Emily】建制落選者入青年廣場諮委會

【明報專訊】民政事務局前日公布委任兩個新委員加入「青年廣場管理諮詢委員會」，兩人都係建制派，包括喺區選落選嘅新民黨社區發展主任林梓鴻，以及青年民建聯主席施永泰。早前傳出特首話會委任喺落敗嘅建制派做公職，咁今次係咪政治酬庸？林梓鴻強調同青年廣場「有交往同認識」，佢自己都係做青年工作出身，唔係咩政治回饋。

林梓鴻話，佢喺2013年係國際青年商會香港總會其中一個分會「浩洋青年商會」嘅會長，同青年廣場有場地合作，認為今次委任係因為佢同青年廣場過去嘅交往、網絡，強調政府委任公職係睇適唔適合，呢項公職係佢熟悉嘅範疇，與青年有關。佢又話，青年廣場管理諮詢委員會委員係非受薪嘅義務工作，唔係政府回饋落選者。

林梓鴻參選西灣河選區，以2530票輸咗畀有4323票嘅工黨麥德正。林梓鴻又話，會繼續以新民黨社區發展主任嘅身分，繼續喺西灣河服務。

更多港聞

【Emily】圖書館流動到社區 推廣共讀樂

【明報專訊】要培養小朋友閱讀興趣，除咗書嘅內容，包裝有時亦好重要，康文署轄下嘅公共圖書館，下個月會推出「樂在社區閱繽紛——『喜』動圖書館」試... 詳情